رؤية جديدة لتطوير التعليم

رؤية جديدة لتطوير التعليم

كتب ياسر أبوعبيد

في حديث مع د. سارة عادل الباحثة في العلوم النفسية حيث قالت الأتي:
في الوقت اللي منظومة التعليم المصرية وربما العربية بتركز على مهارات التدريس اللي توصل المعلومة بحيث يحصل الطلب على الدرجات النهائية أو التقدير الممتاز وبالتالى رفع ال IQ اخواننا في الغرب بيعملوا أبحاث على رفع المهارات الشخصية زي العزيمة والتحكم في النفس.. في النهاية مستوى الذكاء بين الطلاب عمره ما هيكون واحد ولكن برده جدير بالذكر ان اللي بينجح ويوصل لنتائج مرضية ومشبعة مش ديما هو صاحب ال IQ الأعلى
في مرحلة ما في حياتك هتواجه تحديات واحباطات ولو معندكش العزيمة والاصرار انك تكمل مش هتقدر تحقق النجاح اللي بتحمل بيه.. فاكرين قصة الأرنب والسلحفاة؟
في ناس كتير موهوبين جدا وذكاءهم عالي جدا لكن اتعودوا ينسحبوا من المنافسات و يتراجعوا ويمكن كمان جواهم صوت (يا عيني عليا)
مش مهم كم الأدوات المتاحة.. المهم لو أداة واحدة بس هي اللي متاحة انك تستخدمها على أكمل وجه
بيشتغلوا على انهم يطوروا مفاهيم و وسائل يستخدمها المدرس وولي الأمر عشان يغرزوا فكرة العزيمة والتحكم في النفس عند الأطفال..
1- انهى ما بدأت مهما كانت التحديات و الصعوبات اللى ممكن تشوفها مع زملائك أو مدرسينك.
2- النتائج المبهرة والوصول للقمة لا يأتى بسهولة أو صدفة ولا يمكن الاعتماد على الموهبة فقط ومحتاج تدريب كتير جدا. المؤلفين والباحثين والأبطال الرياضيين وحفظة القرآن وأصحاب الاختراعات وغيرهم وغيرهم موصلوش بسهولة واللي ورا الكواليس ده عالم تاني خالص
3- خلي توقعاتك منطقية: وانت بتدرب وشغال على نفسك هتقابل احباطات واخفاقات ومش كل شيء هتقدر تتقنه من اول مرة.
طيب أبسط حاجة ولي الأمر ممكن يساعد بيها ايه؟
1- خلق بيئة مناسبة داعمة ( بيقترحوا اننا زي ما بنعلم الطفل أن مفيش تليفون محمول ونت في الحصة غرفة المزاكرة في البيت كمان تكون خالية من أي مغريات أو حجات تشتت الإنتباه) كمان التربية يكون فيها مساحة وحرية اختيار ونظام ثابت يلتزم به الطفل والأبوين.
2- التشجيع:
التشجيع مش معناه اننا نعمل فرح لما يحقق القمة. التشجيع هو اني ديما أظهر التقدير للتقدم مهما كان بسيط.. لو طفل مستواه في نشاط معين أو رياضة أو مادة 50% والشهر اللي بعده مستواه أصبح 60% فال10% دول يعتبروا تقدم لازم ألفت نظر الطفل ليه وأحسسه فعلا اني مقدر مجهوده. في النهاية الثواب مش بس على التحقيق الهدف لا ده كمان على العملية أو الأداء.
٣- طالما اخترت شيء جديد تبدأ فيه لازم تكمله للنهاية ومش هتوقف حتى لو انت مستصعب الموضوع وما ينفعش تقضي الترم من غير ما تجرب شيء جديد وبعد ما تنهي الشيء اللي انت اختارت تتعلمه أو تلتزم بيه من حقك في نهاية المدة تختار شيء آخر ( ممكن ده يكون الانضمام لفريق مسرحي ، مسابقات رسم أو قراءة أو تأليف أو إذاعة)
شخصية الطفل قبل درجاته.

نبذة عن الكاتب

مقالات ذات صله