الفنان عادل سمير توفيق فنان وحوار خاص

الفنان  عادل سمير توفيق فنان وحوار خاص

كتب – محمود ايمن

س ايه العروض المسرحية اللي حضرتك هتقدمها الفترة القادمة ؟
الفترة الجاية في عرض في مسرح القاهرة للعرائس مسرحية بحيرة البجع دي أوبرا عالمية معروفة و مشهورة عاملها إعداد و أخرجها شكري عبدالله معمولة بشكل جديد فيها إستعراضات فيها أطفال فيها حدوتة حلوة الكبير و الصغير يسعد بيها .

س عايز حضرتك تحكيلي بالتفصيل عن عرض كابتن بليه ؟
عرض كابتن بليه بيناقش قضية مهمة جدا في مجتمعنا و هي قضية أطفال الشوارع بدل ما نبلغ عنهم ده بيسرق و ده بيتحرش و ده بيبلطج الأفضل إن إحنا نستفيد من هذا الكم الكبير الموجود في مصر أطفال الشوارع النهارده وصلت لأكثر من مائة ألف طفل موجودين في شوارعنا دول قنبلة موقوتة لو الدولة مخدتش بالها منهم و اهتمت بيهم و استفادت منهم ممكن يكونوا سبب كبير في تغيير مؤسسات الدولة
المسرحية تأليف أمين بكير تمثيل رضا إدريس و راندا قطب و فادي خفاجة محمد سلامة و خالد نجيب و محمد بسيوني و محمود الصغير و هيثم حسن و معانا أكثر من أربعة عشر طفل رائعين جدا فنيا منهم مواهب عالية جدا ربما تفوق فيروز .

س جمهور إسكندرية بيمثل لحضرتك ايه ؟
بيمثل بالنسبة لي أخطر لجنة تحكيم ممكن أعرض قصادها معروف جدا إن جمهور إسكندرية أكتر جمهور في جمهورية مصر العربية ذواق للمسرح و ذواق للفن و لذلك العمل اللي بيجي إسكندرية بيكون معمول له ألف حساب لأننا رايحين لجمهور ذواق للمسرح .

س حضرتك طبعا موهبة كبيرة في الإخراج ممكن مقارنة بسيطة بين الإخراج المسرحي و الإخراج السيمائي ؟

الإخراج السينمائي الكاميرا بتدخل جوا الممثل في أدق مشاعر الممثل و أدق أحاسيسة و بشكل ده بتوصل للجمهور أما الممثل علي المسرح بيكون محتاج مجهود كبير لازم يوصل بصوته كل مشاعره و كل أحاسيسة حسب سيكولوجية الشخصية اللي بيلعبها بالإضافة إن ممثل المسرح بما إن المسرح أصعب أنواع الفنون إلي إن نجاحه أو فشله بيكون علي الهواء
المتلقي بيتفرج علي المسرح من زاوية واحدة فقط لكن المتلقي في السينما بيتفرج علي الممثل من 360 درجة فمجال السينما أكثر لكن شغل المسرح أصعب و أيضا بيعتمد علي حرفية الممثل .

نبذة عن الكاتب

مقالات ذات صله