يعنى ايه 11 / 11

يعنى ايه 11 / 11

بقلم / محمود جنيدى

يعنى ايه 11 / 11 .؟؟.
يعنى كلاب حتعوى .؟؟.
والا شوية خونة على كام هلفوت .؟؟.
مسمعناش عن ميت طلع تانى م التابوت ..
ولا كلب انقطع لسانه وسمعناله تانى صوت ..
فمتخافوش من 11 / 11 ..
مصر فيها تسعين ملونتاشر ..
كلهم عارفين ان مصر فى الأعناق أمانة ..
كلهم مفيهومش أبدا حد يرضى بالخيانة ..
كلهم ضد السفالة والندالة ومش حيرضوا بالاهانة ..
فمتخافوش ..
متقلقوش ..
عمر الكلاب مايبقوا يوم أبدا وحوش ..!!..
متخافوش ومتقلقوش ..
” الحمار ” مهما كان خلفته برضه ” جحوش ” ..
متخافوش أبدا من 11 / 11 ..
يوم وحيعدى زى غيره كتير ماعدّى ..
ويوم اتناشر حتلاقوا مصر معلقة فى جبينها وردة ..
فمتخافوش ..
ومتقلقوش ..
فى كتاب الزمن مكتوب بحرف مبتنمحيش :
عمر الكلاب مايبقوا يوم أبدا وحوش ..!!..

نبذة عن الكاتب

مقالات ذات صله