اهم عشر خطوات للنجاح في تنظيم اي بطولة

اهم عشر خطوات للنجاح في تنظيم اي بطولة

كابتن – احمد عبدالله
  لنجاح اي بطولة عده مقومات كلها بتكمل بعض .  مسابقات+تحكيم_تنظيم_مدربين_لاعبين_اولياء_امور_واهمها على الاطلاق كل ما فات وقادم

1- اختيار مكان كبير حسب حجم البطوله وقوتها
2- الاعداد القوى قبل الحدث وعمل تعليمات ودعايه مناسبه وتعريف الجميع كل شئ المواعيد المواوزين المراسم الايام بمخطط منظم محترف محترم وكل شئ بتوقيتات
3- تحديد مواعيد الوزن واستلام الكشوفات قبل البطوله او الحدث لمعرفه الاعداد وتنظيمها
4- تحديد توقيتات بعنايه فائقه ودقه متناهيه يعنى الوزن عشره يبقى عشره مش 11 يعنى موعد االلعب لاول وزن 9 يبقى تسعه مش تسعه ودقيقه وكل شئ بدقه
5- تخصيص اماكن جلوس لاولياء الامور واعطاء تلقينات للمدربين بكل القواعد الملزمه والمتبعه والمفروضه على الجميع ومن اخل باى شئ يوقع عليه عقوبات فوريه حازمه
6- تخصيص اماكن للمدربين مع التنبيه بعدم دخولهم مكان اللعب تحزير صارم وعدم مصاحبه اى ولى امر داخل مكان وصاله اللعب واللف داخل الصاله وعدم الجلوس
7- عمل توقيتات لكل وزن قبل اللعب ونشرها على الصفحات الرسميه للاتحاد او المؤسسه وعمل بوله مصوره توزع على كل المدربين وعمل توقيتات معينه لبدايه كل وزن بحاسبات زمنيه مثال وزن56 كيلو فيه عدد 32 لاعب كل لاعب يلعب جولتين وراحه الخ 5 دقائق مثلا ب16 مباراه فى 5 دقائق يساوى 80 دقيقه وادى عشر دقائق او اكتر بطئ او مشاكل او اى طارئ يعنى مثلا 100 دقيقه يعنى ساعتين الا تلت ……….لل32 مباراه وبزياده كمان وبعده يلعب الوزن التانى بعد ساعتين يبقى الولد رايح البطوله عارف انه رقم مباراتهه 33 مثلا يبقى بدايه الوزن الجديد …….فيكون مستعد لكدااا مش يروح اللاعب من تسعه صباحا ولا يعلم هيلعب امتى وممكن يلقى مباراته تسعه بليل وعشوائيه غريبه فى التعامل والتوقيتات ….كده الولد هينام ومجهوده هيقل جدا ولو بطل جمهوريه هيصبح بطل حوارى للاسف وهيتهزم ….التوقيت الصح يوفر الجهد فى القتال
8-لصق بوله مرقمه بعدد المباريات على لوحه ارشاديه خارج المكان بتوقيتات المباريات وبرنامج اليوم للبطوله واللى مالهوش لعب ممكن يروح او يعرف على الاقل معاد لعبه بعد كام ساعه مثلا ينادى على رقم المباره 17 …واللاعب رقمه ال50 يبقى سهل جدا اللاعب يحسبها هو ومدربه ويعرف متى يبدا اللعب ولا يتفاجئ بانه على البساط وبينادو اسمه ويجرى ودا يديله قفاز ودا يلبسه وشكل للاسف ومنظر سئ جدا يضر اللاعب ولا يفيده
9-راحات منظمه مرتبه للتحكيم وليست عشوائيه مش برحتهم وقت الراحه ويجب ان تكون بتوقيتات منظمه مكتوبه فى برنامج البطوله ان دا وقت راحه بين الاوزان مش وقت عشوائى وبرحتهم ودا اكبر غلط بردو يضيع الوقت للجميع
10- وختاما والاهم مراسم التتويج يجب ان يكون منظم جدا لان اللاعب ينتظر اهم لحظه تتويجه بالبطوله مش ياخد شهادته وميداليته فى شنطه وتتوزع فى الشارع ودى قمه المهزله مراسم تتويج البطل اهم من كل شئ لانها من افضل لحظات حياته يجب ان تكون مراسم محترمه على منصه محترمه وعدم التعجل باخد ميداليه وسلق بيض وتخطيف وكلام فاضى ودا للاسف بيحصل باغلب الاتحادات اتمنى التغيير ارجوكم

14642619_1314116605266119_1459087145_n

نبذة عن الكاتب

مقالات ذات صله