( احتضار)

( احتضار)

بقلم /محمد مفتاح

 

العشق في عينيكي احتضار
ساعة لقانا بينتهي
بلاقي كل الكون خضار
وأشوف ماأحب و أشتهي
رغم انه موت وقت احتضار
ومالوهش صوت
ولا ليه قرار
أنا قلبي قالها بإختصار
كل مابينا بينتهي
مش كبرياء
ولا ضعف مني
لكن بأقولك ده لأني
عايش وكنتي أنتي التمني
قلبك في لحظه ماقالكيش
أن اللي بينا ما ينتهيش
نبعد بعيد لكن يعيش
الفرقه صعبه البعد نار
شاوري نفسك قبل
ماتاخدي القرار
راجعي قلبك
ليكي حق الانتظار
أرجعي قلبي مسامحك
مادام أنتي طلبتي السماح
بدلت الايام ملامحك
من عينيكي الحب راح
ننسى كل مافات وعدي
نبتدي ومن انهارده
نزرع الاحلام في ورده
تنسقي حب وموده
تبقي شجره
أغصانها فارده
ضلها لونه الخضار
لسه باقي الكون براح
عايز أقولك بإختصار
أحتضار الروح في عشقك
شئ مباح!! ……

نبذة عن الكاتب

مقالات ذات صله