مش دي النهاية

مش دي النهاية

الشاعر – محمد مفتاح
مش دي النهاية اللي
كنت أتمني يوم تكون
كل الحكايه
لا قلوبنا خانت
ولا هتعرف يوم تخون
أزاي بكلمه نطفي شموعنا
والبعد يبقي سبب دموعنا
والضحكه فارقتنا في وداعنا
ونسيب همومنا تزيد وجعنا
مش وهم حبك او ظنون
والبعد لو مكتوب يكون
عشقنا بعض ايام طويله
وحكاوي عديت الف ليله
البعد حاجه مستحيله
لكن ما كان باليد حيله
كانت ظروفنا أقوي منا
قدرت تفرق يوم مابينا
لكن ماجاش لحظه في خاطرنا
أن يكون ده في يوم مصيرنا
أو ده في يوم ممكن يكون
ماتجيش عليا وتظلميني
وكفايه حزني مبكي عيني
أنا قلبي عاشقك صدقيني
وصعب أنه في يوم يخون
مش دي النهاية
اللي كنت يوم أحلم بها
ياأجمل حكاية
قلبي عشقها وحبها

نبذة عن الكاتب

مقالات ذات صله