لغز الحروف

لغز الحروف

كلمات /أيمن البكري

زمان وأنا صغير إتعلمت الحروف حرف حرف
نطقتها وكتبتها
وما كنتش أعرف إن من بين كل الحروف
فيه حروف هحبها
وهتبقي ب النسبالي حل
دي الحروف إل عاشت جوه مني
مهما عدت سنين بفتكرها غصب عني

حلمت حلم وحلمي كان من دهب
إتهد الحلم وكل شئ حلو ف حياتي
إتسرق مني وأتنهب
ما فضلش ليا غير حزن وخوف ولهب
حرف الهه قال لل ألف أنا بعشئك
وإيه يعني لما اللام تندهك
ما أنا إل ف أخرك وف أولكم
ف سينما حياتي إتعرض قدامي شريط ذكرياتي
كأنوا فيلم
ووقفت عند القطه دي
ساعتها نسيت كل شئ
دي الحروف إل لما بنطقها
بحس إنها بلسم
بس هي تحس وتفهم

فيه حروف لو إتجمعت تبينلك حقايق
وتفهمك مين إل عايز يخسرك
وحروف لو سمعتها تدايق
بس بتوضحلك وتبينلك وتعرفك
مين ضضدك ومين معاك
ومين إل حالف يكسرك
وحروف تسمعها توجعك
وحروف تقولها بس محدش يسمعك
وحروف لماضي ترجعك
وحروف عن طريقك تمنعك

فاكر زمان لما كنت بترسم قلب
وتكتب جواه حرف وف مادليه تعلقوا
عشان داه أول حرف ف إسم حد
بتحبوا وتعشقوا
بس ما إتقسمتش ليك
وإنته كمان بقا عندك شريك
وبقيت لما تفتكرها تلمع عنيك
وتتمني لو لحظه واحده الماضي ترجعوا

ف زمانا متسدئش غير إل تشوفوا بعنيك
وخليك فاكر كل حرف هتنطقوا محسوب عليك
يا إما يكتبوا ملك الشمال
يا إما يكتبوا ملك اليمين
خليك ف سكة ربنا
وإوعي تقول للشيطان أمين
ومتتكسرش قدام أي شوية ظروف
وسدئني الغز عمروا ما كان ف الحروف
الغز جواك هتلاقيه……الغز فيك

نبذة عن الكاتب

مقالات ذات صله