قصيده/[مهما أقول عنك ياأمي ]

قصيده/[مهما أقول عنك ياأمي ]

بقلم/ محمد مفتاح

مهما أقول عنك ياأمي
الكلام مايكفيكيش
ده أنتي ياما شيلتي همي
بعدك أنتي بمين هأعيش
قربي بالحضن ضمي
لسه قلبي مانسيكيش
الحروف فاقده المعاني
ياأماه في غيابك بعاني
مين يكونلي حبيبتي تاني
زيك أنتي لا مافيش
لما عيدك ياأماه قرب
قولت أكتب كلمتين
شئ غريب كان واللي أغرب
الكلام مني بيهرب
والدمع كان مالي العينين
قولت للأحزان كفايه
ماشيه بيا لحد فين
لقيتها بتقولي تعالي
قامت خدتني عند قبرك
قالت دي أمك
حضنها نفسه يضمك
سمعت صوت طالع بصبرك
ياأبني مش عيزاك حزين
أفرح أزاي! طب لمين
بعدك أنتي طب قوليلي
أيه فاضلي وايه باقيلي
حزني ماتمحيه سنين
نفسي ياأماه أسمع دعاكي
في وقت فجر
لما كنت بأكون معاكي
ماكنت أحس بخوف وغدر
بقيت بأصلي وأدعي ربي
يرزقه بالصبر قلبي
الكلام شرحه يطول
مهما هأكتب أو أقول
حتي مية مليون قصيدة
مش كفايه
كلمه واحده بس تكفي
حتي لو ماأنتيش معايا
باقي حبك جوه قلبي
مالوش نهاية ” مالوش نهاية

نبذة عن الكاتب

مقالات ذات صله