أزعل على أيه ولا أيه:

أزعل على أيه ولا أيه:

للكاتب والمخرج / تامر جلهوم .

أزعل على أيه ولا أيه على الناس اللى كان ليهم ضمير صاحى ومات فيهم.
ولا على الدنيا اللى عيشينها وفاكرين روحنا فهمنها لا ليها عزيز ولا غالى وعايشه فى برجها العالى ولو شافت دموع إنسان برىء بتقول وأنا مالى.
أزعل على أيه على الحلم اللى أنا حلمته على القلب اللى علمته بحب فى ناس ماليها آمان ورحت بإيدى سلمته على الحب اللى جمعنا وخلى لعمرنا معنى ورخسناه فى ليلة ويوم ودار وراه هنا ضعنا على اللما وعلى الصاحب ومين دلوقتى يتصاحب زمان كان الحنين غلاب زمنا ده خان جامد علي الرحمه وعلي الطيبه وعلي خوفنا من العيبه ده حتي في عز وقت الخير بتبقي الكلمه محسوبه علي اللي بإيدي علتهم وكنت بحلي دنيتهم لاقونى في وقت أحزانهم ووقت جراحي مالقتهم بنتهم وهما هدوني شفوني في ضعفي جرحوني بعوني رخيص وأنا الغالي وعلي نار هاديه ساوني.
أزعل عل أيه علي الود اللي راح زمنه علي الناس اللي يؤتمنوا علي زمن اللي يعمل خير مايستناش ياخذ ثمنه علي العشره وعلي الجيره علي النخوه وعلي الغيره علي الحق اللي ضاع بينا ولا بنجبله يوم سيره علي نفسي وعلي حالي وعلي دمعي اللي كان غالي ورخصتولي ناس مش ناس نزلتلهم من العالي علي الضحكه اللي أنا نسيتها وراحة مني حلوتها وعلي الفرحه اللي نسيتني قتلها الحزن موتها أزعل على أيه علي العبد اللي كان راضي ورامي توكاله علي الهادي مش اللي ضيع الأيام وأحلي سنينه علي الفاضي بقينا ليه نقول نفسي وأنا والدنيا من بعدي ولو حد أنجرح بينا نقول دي شده وتعدي.
أزعل على أيه علي الأخ اللي يسند أخوه علي الأبن اللي يوفي لأبوه علي اللي يشيل هموم الناس ويسعدهم ولو جرحوه علي القلب اللي كان إنسان وعاش بينه وبين غيره أمان علي الحضن اللي كان بيضم غريب وقريب في أي مكان أزعل على أيه علي عمري اللي ضاع ببلاش علي قلبي اللي متهناش رماه الحظ ونصيبه علي الناس اللي مبتسواش أزعل على أيه علي سنيني اللي مش بتمر مشفتش فيها لحظه تصر علي عيني اللي شافت ويل يكفيها بقيت العمر بنتقابل ولا الأغراب بنتكلم كلام بحساب ياما الدنيا سهتني وخطفت منينا الأحباب بنضحك بس في قلوبنا خلاص الحزن دوبنا وشوش مشيا مليها الخوف وقبل أونا شيبنا.
وفى النهاية أقول لك عزيزى القارىء أزعل على أيه في أيه في الدنيا دي يستاهل أني أبكي عليه طب وأزعل ليه دا محدش شاف دمعي في عيني وصعبت عليه فأعلم أن لكل شىء ميزه حتى ولو كان قبيح فالميزه الوحيده فى أى حاجة وحشه بتحصلك أنها بتعرفك كل واحد على حقيقته وهذه نصيحتى لك .

نبذة عن الكاتب

مقالات ذات صله